Қоғамның қазіргі заманғы сын-тегеуріндерін ескере отырып, біз облыстың бас имамы Абай Асқар Мұқановқа діни экстремизм және осы құбылыстың таралуын болдырмау үшін өңір шеңберінде қабылданып жатқан шаралар туралы пікірін білу үшін жүгінуді жөн санадық. Әңгімелесу барысында аймағымыздың бас имамы адамның экстремизм жолына түскенінің алғашқы белгісі агрессияның басталуы екенін атап өтті. Имам қоғам мұндай жағдайларда отбасын жиі кінәлайтынын да баса айтты. Бас имамның айтуынша, Экстремизм қоғамның белгілі бір құндылықтарынан бас тартудан және тек өз көзқарастарының дұрыс деп танудан көрінуі мүмкін екендігін де ескертті. "Экстремизмнің екінші белгісі - отбасына тікелей әсер ету. Көптеген адамдар радикалды идеяларға бой алдырып, отбасыларынан алшақтай бастайды. Сондықтан, біз отбасылық құндылықтарды дәріптеуде аса сақ болуға шақырамыз. Баланың ерте жастан сенімі мен дәстүрлі ислам құндылықтарына сәйкес тәрбиенің дұрыс бағыты маңызды", - дейді ол. Діни экстремизмге қарсы тұру туралы әңгіме барысында облыстың бас имамы тарихты, дәстүрді және тілді түсіну арқылы рухани иммунитетті қалыптастырудың маңыздылығын алға тартты. Ол, сондай-ақ, интернет экстремистік идеяларды тарату құралы бола алатындығына алаңдаушылық білдіріп, осы үрдіске белсенді түрде қарсы тұруға шақырды. Асқар Мұқанов Діни экстремизмнің алдын алудағы басты міндет – қоғамның құзыреттілігі мен діни сауаттылығын қамтамасыз ету екенін айтты. Имамдармен жұмыс істеу және интернеттен емес, ресми ақпарат көздері арқылы дұрыс ақпаратты насихаттау радикалданудың алдын алуға көмектеседі.
«Діни экстремизмнен қорғану үшін қоғамдағы бірлік пен ынтымақтастық маңызды. Әрбір азамат бұл үдерісте отбасынан бастап қоғамдық өмірге белсене араласуға дейінгі аралықта өз рөлін атқара алады», - деп түйіндеді Абай облысының бас имамы.
«Діни экстремизмнің алдын алу және әлеуметтік психологиялық бейімделу жөніндегі іс-шаралар кешенін ұйымдастыру және өткізу» мемлекеттік әлеуметтік тапсырысын іске асыру аясында, «Антарес А» ҚҚ «Абай облысының қоғамдық даму басқармасы» мемлекеттік мекемесінің тапсырысы бойынша.